الشاعره قدريه مصطفى
نور من باب مقفول
للشاعره قدريه مصطفى
،،،،،،،،،،،،،،،،،،،،،،،،،،،،،،،،،،،،،،
انا اللي ببيع السعاده للناس
ومش عارفه اجيبها لنفسي
الصبر على الوجع مقبول
وسكتي مليانه ألم ودموع
وضحكتي دوا للناس يا ناس
وجرحي انا في حضن الضلوع
موجوع
اطبطب على جروحي واخبي
دموعي وامشي في الرجوع
اواسي القلوب وانا قلبي مكسور
بيني وبين الحب الف محطه وسور
وافتح لغيرى البيبان وانا في الضلمه
بلا عنوان
انقذ قلوب من الغرق وانا في الحزن
غرقان
لا لاقي مرسى ولا شط وسواد الليل
عليا زعلان
يبكي ودموعه تغسل قلبي اللي من
الحيره حيران
قلبي اللي الحب لعدى عليه ولا قرب
افرح قلوب كانت حاسه بوجع وقلبي
عمره ما دق ولا جرب
وكل ما الحب يفتح لي باب اقفله بايدي
واسيب قلبي بعذاب وريدي
ولا اصرخ بجراحي العنيد؟
ده الحزن ساكن في الملامح وبيمشي فى
خطى الوريد
لكن فجاه بان في،،،،،،،،،،،،،،،،،،،،،قلبى امان
نفس دافي ،زى ،،،،،،،،،،،،،،،،،،،،،،،،،،الحنان
نور دخل من ،،،،،،،،،،،،،،،،،،،،،،،،،،،،باب مقفول
وقال لي كفايه،،،،،،،،،،،،،،،،،،،،،،،،،ليل وأحزان
لقيت في حضنه ،،،،،،،،،،،،،،،،،،،فرحه سنين
وصوت بيرجع،،،،،،،،،،،،،،،،،،،،،،،ليا الحنين
لا سال عني،،،،،،،،،،،،،،،،،،،،،،،،،ولا قال انتى
مين
ورجع السعاده،،،،،،،،،،،،،،،،،،،،اللي ما كنتش
عارفه اجيبها،،،،،،،،،،،،،،،،،،،،،،،،منين
اضف تعليقاً عبر:
الابتسامات